Moyes hélt krísufund

David Moyes, stjóri botnliðs Everton í ensku úrvalsdeildinni, hélt krísufund með leikmönnum sínum í kjölfar tapsins gegn Manchester City um helgina. Everton er í neðsta sæti deildarinnar með aðeins þrjú stig og hefur aðeins náð að skora eitt mark í leikjunum sjö sem það hefur spilað. "Ég varð bara að setjast niður með leikmönnunum og segja þeim hvað mér fannst vera að fara úrskeiðis. Staðreyndin er einfaldlega sú að við verðum að fara að leika betur. Við viljum ekki láta slæmt gengi hafa áhrif á okkur, en það breytir því ekki að við verðum að horfast í augu við það að liðið er í slæmum málum í deildinni. Ég er ekki sáttur og það eru leikmennirnir ekki heldur," sagði Moyes.