Sofia nýr þátttakandi

Actavis er styrktaraðili forvarnarverkefnisins Ungmenni í Evrópu - gegn fíkniefnum, en Sofia, höfuðborg Búlgaríu, hefur nú bæst í þann hóp sem tekur þátt í forvarnarverkefninu. Verkefnið er byggt á íslenskum rannsóknum sem miða að því að greina þætti sem eru líklegir til að koma í veg fyrir að ungt fólk ánetjist fíkniefnum.

Í dag eru þrettán borgir þátttakendur í verkefninu og er búist við að fleiri bætist í hópinn.

Við undirritun samningsins lýsti borgarstjóri Sofiu yfir þakklæti fyrir stuðning Actavis við ýmis verkefni borgarinnar á öðrum sviðum.