Stjórnarmenn bera ábyrgð

„Það er alveg ljóst að Byggðastofnun tók þessa ákvörðun og þeir sem sitja í stjórninni bera þá ábyrgð líka.“ Þetta sagði Þorgerður Katrín Gunnarsdóttir, starfandi forsætisráðherra, um málefni Eignarhaldsfélags Vestmannaeyja og samskipti þess við Byggðastofnun. Kristinn H. Gunnarsson, fyrrverandi stjórnarformaður Byggðastofnunar, hefur sagt að peningum hafi verið veitt til félagsins vegna þrýstings frá ríkisstjórninni.

Þorgerður Katrín sagðist ætla að ræða málið við Guðjón Hjörleifsson, þingmann Sjálfstæðisflokksins.