Margir búa utan borgar

Fimmtungur starfsmanna á skrifstofu borgarstjórnar og borgarstjóra býr í bæjar­félögunum kringum borgina. Starfsmennirnir eru 25. Tveir þeirra búa í Kópavogi, tveir í Hafnarfirði og einn á Seltjarnarnesi.

Nýráðinn aðstoðarmaður borgarstjóra, Jón Kristinn Snæhólm, býr í Kópavogi. „Ég stefni á að flytja til borgarinnar,“ segir hann.

Gunnlaugur Júlíusson hjá Sambandi íslenskra sveitarfélaga segir engar reglur brotnar. „Menn hafa litið svo á að þetta jafni sig út í báðar áttir,“ svarar Gunnlaugur kankvís.