Fjöltefli við skákmeistara

Gestum og gangandi gefst kostur á að spreyta sig á fjöltefli við skákmeistarann Róbert Harðarson í dag. Fjölteflið verður fyrir framan verslun Bónuss í Kringlunni milli klukkan fjögur og átta.

Á staðnum munu Hróksmenn einnig kynna landnám skáklistarinnar á Grænlandi, en þar hefst í næstu viku mikil skákhátíð, fjórða árið í röð.

Róbert Harðarson, sem er meðal bestu skákmanna Íslands, sigraði á III. alþjóðlega Grænlandsmótinu - Flugfélags Íslands mótinu 2005, sem haldið var í Tasiilaq.