Karlmanni sleppt úr haldi

Fimmtíu og tveggja ára gömlum manni, sem var í haldi lögreglu vegna gruns um kynferðisbrot gagnvart börnum, hefur verið sleppt úr haldi. Maðurinn neitar alfarið sök.

Nokkur sex ára gömul börn fóru inn í íbúð mannsins og tilkynntu foreldrar barnanna að hugsanlega hefði maðurinn áreitt börnin kynferðislega. Ekkert hefur komið fram hjá börnunum ennþá sem gefur tilefni til þess að maðurinn hafi beitt þau kynferðis­legu ofbeldi, samkvæmt upplýsingum frá lögreglu.

Hörður Jóhannesson, yfirmaður rannsóknardeildar lögreglunnar í Reykjavík, segir yfirheyrslum yfir börnunum ekki enn lokið.