Yfirheyrslum ekki lokið enn

Lögreglan í Reykjavíkur hefur enn til rannsóknar meint kynferðisbrot gegn fleiri en einni stúlku. Rúmlega fimmtugum karlmanni hefur verið sleppt úr haldi en hann neitaði sök í málinu. Yfirheyrslum yfir stúlkunum, sem maðurinn er grunaður um að hafa beitt kynferðislegu ofbeldi, er ekki lokið og sögn Bjarnþórs Aðalsteinssonar, hjá Lögreglunni í Reykjavík, liggur ekki fyrir hvenær rannsókninni lýkur.

Málið kom fyrst inn á borð Barnaverndarnefndar Reykjavíkur. Kæra var í framhaldinu lögð inn til lögreglu sem þá hóf rannsókn á málinu.