Ákærðir fyrir fíkniefnabrot

Fíkniefnamál gegn tveimur mönnum var þingfest í Héraðsdómi Reykjaness í gær. Öðrum manninum er gefið að sök að hafa haft í fórum sínum um 48 grömm af kannabisefnum, tæp 4 grömm af kókaíni og lítilræði af tóbaksblönduðu hassi.

Hann er einnig ákærður fyrir að geyma umtalsvert magn fíkniefna fyrir hinn meðákærða og fyrir að reyna að koma eignarhaldi á hluta fíkniefnanna yfir á hann.

Hinum manninum er gefið að sök að eiga rúmlega 220 grömm af hassi, tæp 6 grömm af kókaíni og lítilræði af amfetamíni sem ætlað væri til sölu.