Vill leiða lista

Katrín Jakobsdóttir hefur ákveðið að gefa kost á sér í fyrsta sæti vinstri grænna í Reykjavíkurkjördæmum og Suðvesturkjördæmi. Forval flokksins mun fara fram 2. desember næstkomandi og mun þá koma í ljós hvort Katrín muni leiða annan hvorn þessara lista.

Katrín hefur starfað sem varaformaður vinstri grænna frá því í nóvember 2003 en áður var hún formaður Ungra vinstri grænna. Katrín er íslenskufræðingur að mennt og hyggst hún leggja áherslu á umhverfis- og jafnréttismál og berjast gegn aukinni misskiptingu í samfélaginu.