Gefur kost á sér í fjórða sæti

Guðmundur Steingrímsson blaðamaður og tónlistarmaður gefur kost á sér í fjórða sæti í prófkjöri Samfylkingarinnar í Suðvestur­kjördæmi.

Guðmundur er með meistaragráður í heimspeki frá Uppsala í Svíþjóð og Oxford á Englandi. Hann var formaður Stúdentaráðs Háskóla Íslands 1995-1996 og sat í háskólaráði í tvö ár.

Í framboði sínu leitast Guðmundur við að vera öflugur talsmaður umhverfismála, fjölbreyttari atvinnustefnu, aukins jöfnuðar, menntunar, menningar og lýðræðislegra vinnubragða í stjórnmálum.