Ölvaður með skotvopn

 Sérsveit Ríkislögreglustjórans á Akureyri handtók í fyrrakvöld mann á Siglufirði eftir tilkynningu um að töluvert ölvaður maður væri vopnaður skotvopni í heimahúsi. Hann hafði hleypt af byssu í þrígang inni í bílskúr. Hafði hann skotið í ruslapoka og hlaut því enginn skaða af.

Maðurinn kom sjálfviljugur út úr húsinu og var handtekinn. Hann er á fertugsaldri og hefur ekki komið við sögu lögreglu áður vegna sambærilegra mála. Yfirheyslur stóðu yfir fram eftir degi í gær en til stóð að sleppa manninum að þeim loknum.