Kona í karls stað á ljósum

Tillaga um að gangbrautarljós sýni konu en ekki karl á fimm stöðum í borginni var lögð fram í mannréttindanefnd Reykjavíkurborgar á miðvikudaginn af Bryndísi Ísfold Hlöðversdóttur, fulltrúa Samfylkingarinnar í nefndinni.

Í greinargerð sem fylgdi tillögunni var bent á að skilaboð táknmynda geti haft áhrif á viðhorf fólks og upplifun af samfélagi sínu. Tillögunni var vísað til borgarráðs til frekari umræðu að sögn Bryndísar sem sagði henni hafa verið vel tekið í nefndinni.