Fótbolti

Real Madrid búið að kaupa arftaka Roberto Carlos

Marcelo fagnar hér marki sem hann skoraði fyrir Brasilíu gegn Wales í september.
Marcelo fagnar hér marki sem hann skoraði fyrir Brasilíu gegn Wales í september. nordic photos/getty images

Real Madrid hefur gengið frá kaupum á vinstri bakverðinum Marcelo frá brasilíska liðinu Fluminense, samkvæmt spænskum blöðum. Kaupverðið er talið vera um sex milljónir evra, eða um 522 milljónir íslenskra króna.

Sevilla var einnig með augastað á Marcelo en nú virðist Real Madrid hafa haft betur.

„Strákurinn vill bara koma til Madrid. Það má vel vera að aðrir hafi verið að bjóða í Marcelo en hann vill aðeins verða leikmaður Real Madrid,“ sagði heimildarmaður innan félagsins.

Marcelo er 18 ára gamall og er talinn vera upplagður arftaki Roberto Carlos bæði hjá brasilíska landsliðinu og nú hjá Real Madrid. Marcelo mun ganga í raðir Real Madrid í janúar. - dsd

Erlendar Fótbolti Íþróttir Spænski boltinn

Mest lesið


Fleiri fréttir

Sjá meira


×

Mest lesið