David Villa með þrennu fyrir Valencia

David Villa skoraði öll mörkin í 3-0 útisigri Valencia á böskunum í Athletic Bilbao í spænska boltanum í dag. Valencia treysti þar með stöðu sína í öðru sæti deildarinnar. Espanyol vann Real Betis 2-0 þrátt fyrir að Raúl Tamudo tækist að klúðra tveimur vítum í leiknum. Osasuna vann Mallorca 1-0 á útivelli, Getafe vann Racing Santander 3-1, sömuleiðis á útivelli og Cádiz og Deportivo gerðu 1-1 jafntefli. Nú stendur yfir leikur Real Madrid og Málaga og er það Málaga sem leiðir. Leikurinn er í beinni útsendingu á Sýn. Í kvöld er svo stórleikur Sevilla og Barcelona í beinni á Sýn Extra kl. 20 en með sigri eru bösungar orðnir meistarar.