Ópólitískur upplýsingafulltrúi

Guðmundur Hörður Guðmundsson hefur verið ráðinn upplýsingafulltrúi umhverfisráðuneytisins. Guðmundur hefur starfað í fréttamennsku, bæði á Rúv og Fréttablaðinu auk þess sem hann hefur numið umhverfisfræði í Edinborgarháskóla. Guðmundur Hörður var fyrir nokkrum árum áberandi í starfi ungs Samfylkingarfólks og sat í nefndum fyrir flokkinn en sagði fyrir margt löngu skilið við pólitíkina þegar hann hóf störf hjá fjölmiðlum. Hann segir umhverfismál eiga nú hug hans allan og ráðning hans sem upplýsingafulltrúa Umhverfisráðuneytisins sýni að starfað sé á faglegum en ekki pólitískum nótum hjá ráðuneytinu.