Nokkur ölvun í Eyjum um liðna helgi

Lögreglan í Vestmannaeyjum þurfti að hafa nokkur afskipti af skemmtanahaldi liðinnar helgi sökum ölvunar á fólki. Lögreglan fékk þrjár tilynningar um slagsmál fyrir utan skemmtistaði bæjarins en í öllum tilvikum voru þau afstaðin þegar lögregla kom á staðinn. Engir eftirmálar virðast hafa orðið af slagsmálunum. Einn maður að gista fangageymslur lögreglunnar þar sem hann var til vandræða sökum ölvunar. Þá var myndbandsupptökuvel að verðmæti um hálfri milljón króna stolið úr Skátaheimilinu við Faxastíg en talið er að henni hafi verið stolið um helgina.