Barcelona - Espanyol í beinni í kvöld

Síðari leikur Barcelona og Espanyol í meistarakeppninni á Spáni verður sýndur í beinni útsendingu á sjónvarpsstöðinni Sýn Extra í kvöld. Þetta er síðari leikur liðanna, en Barcelona vann þann fyrri 1-0 á útivelli. Eiður Smári Guðjohnsen er í leikmannahópi Börsunga í kvöld og fær vonandi að spreyta sig í fyrsta alvöru leik sínum með liðinu. Útsending á Sýn Extra hefst klukkan 19:55.

Þá er rétt að minna á að leikur Fylkis og ÍA í Landsbankadeild karla verður sýndur beint á Sýn og hefst útsending úr Árbænum klukkan 16:50. Þá verða beinar útsendingar frá PGA mótinu frá klukkan 19 í kvöld.