Gefur kost á sér í sjötta sæti í prófkjöri sjálfstæðismanna

Kolbrún Baldursdóttir sálfræðingur hefur ákveðið að gefa kost á sér í sjötta sæti í prófkjöri sjálfstæðismanna í Reykjavík. Kolbrún var í níunda sæti á framboðslista sjálfstæðismanna í Reykjavíkurkjördæmi suður fyrir síðustu alþingiskosningar. Nái hún sjötta sætinu hækkar hún sig töluvert: upp í þriðja sætið í öðru hvoru Reykjavíkurkjördæminu. En eins og fram kom í Íslandi í dag í gærkvöld er kvennaskortur á listum sjálfstæðismanna eftir að Sólveig Pétursdóttir tilkynnti að hún myndi ekki gefa kost á sér áfram.