Gylfi sækist eftir þriðja til fjórða sætinu

Gylfi Arnbjörnsson, framkvæmdastjóri Alþýðusambands Íslands, hyggst gefa kost á sér í þriðja til fjórða sæti í prófkjöri Samfylkingarinnar í Reykjavíkurkjördæmununum tveimur fyrir komandi þingkosningar. Þetta kemur fram í tilkynningu frá honum. Gylfi hefur ekki setið áður á þingi en ljóst er að með þessu harðnar baráttan um þingsæti hjá Samfylkingunni enn fekar því Ásta Ragnheiður Jóhannesdóttir og Steinunn Valdís Óskarsdóttir stefna báðar á fjórða sætið og þá stefna fleiri þingmenn ofar á listann.