Vestfirsk Jökulsárganga

Vestfirskt áhugafólk um verndun hálendisins ætlar á morgun að mótmæla yfirvofandi náttúruspjöllum á austfjarðarhálendinu með því að ganga.

Í tilkynningu sem hópurinn sendi frá sér segir að fara eiga vestfirska Jökulsárgöngu. Gengið verður frá Silfurtorgi á Ísafirði klukkan átta annað kvöld og þaðan inn í fjörð þar sem staðnæmst verður við brúna yfir Tunguá þar sem stutt dagskrá verður. Hópurinn vill með göngunni sýna stuðning sinn við þær raddir sem hvað ákafast kalla nú eftir því að náttúruperlum íslenska hálendisins verði gefin grið.