Fær tæpar sex milljónir í bætur

FL Group var í dag dæmt til að greiða manni sem var í starfi hjá félaginu tæpa sex og hálfa miljón króna vegna líkamstjóns sem maðurinn varð fyrir í starfi hjá félaginu.

Slysið varð með þeim hætti að maðurinn hrasaði og féll niður þjónustustiga sem var fastur við landgangsrana flugvélar sem hann var að þrífa. Stiginn var óvenju brattur, framstig hans grunnt og þrepin hölluðu fram. Veðrið var blautt þegar slysið átti sér stað og var staða stigans við þær aðstæður sem voru fyir hendi talin helsta orsök slysins.