Guðfinna á leið í pólitík

Guðfinna Bjarnadóttir, rektor háskólans í Reykjavík hefur ákveðið að gefa kost á sér í eitt af efstu sætunum á lista Sjálfstæðisflokksins í Reykjavík í prófkjöri fyrir Alþingiskosningar næsta vor. Hún mun tilkynna um ákvörðun sína opinberlega síðar í dag.

Kvennaleysi Sjálfstæðismanna í prófkjörinu í Reykjavík virðist vera á enda, því að Dögg Pálsdóttir hæstaréttarlögmaður hefur ákveðið að sækjast eftir fjórða sætinu, auk þess sem Ásta Möller og Sigríður Andersen stefna báðar á sæti sem ættu að gefa öruggt þingsæti á næsta kjörtímabili.