Sýndamennska eða skýr skilaboð

Helgi Hjörvar, þingmaður Samfylkingarinnar, segir frestun ríkisstjórnarinnar á vegaframkvæmdum í sumar hafa verið sýndarmennsku. Einar Oddur Kristjánsson, varaformaður fjárlaganefndar, segir ríkisstjórnina hafa náð markmiði sínu strax í sumar með því að senda skýr skilaboð út í samfélagið.

Einar Oddur segist trúa því að viðsnúningur í efnahagslífinu verði meiri og skarpari en gert er ráð fyrir í þjóðhagsspá og viðskiptahallinn eigi eftir að dragast hraðar saman. Tekjur ríkisins myndu þá jafnframt dragast saman.

Helgi Hjörvar segir að þetta skapi hættu á því að menn ofáætli tekjur ríkisins og fjárlagafrumvarpið sé varla nema hálfkarað.