Fyrsti snjór vetrarins á Norðurlandi

Fyrsti snjór vetrarins féll í byggð víða á Norðurlandi í gærkvöldi og gerði meðal annars fljúgandi hálka á götum Akureyrar og er hún enn. Hálka er líka á fjallvegum fyrir norðan. Þrátt fyrir að margir aki enn á sumardekkjum er ekki vitað um óhöpp eða slys vegna þessarar óvæntu hálku.

Í tilkynningu frá Vegagerðinni kemur fram að hálkublettir séu á Holtavörðuheiði og á Snæfellsnesi er krapi bæði á Vatnaleiðinni og eins á norðanverðu nesinu. Þá er víða verið að hreinsa vegi á Vestfjörðum.