Hefja morgunflug til Bandaríkjanna

Icelandair ætlar að fljúga á þrjá nýja staði og hefja morgunflug til Bandaríkjanna á næsta ári, en leggja niður flug til San Fransisco. Félagið ætlar að fljúga til Björgvinjar í Noregi, Gautaborgar í Svíþjóð og Halifax í Kanada, þrisvar til fjórum sinnum í viku á hvern stað. Á fréttamannafundi sem stendur yfir núna er félagið að tilkynna að flogið verði til tveggja borga í Bandaríkjunum, Boston og New York, klukkan tíu á morgnana, en hingað til hefur verið flogið til Bandaríkjanna um fimmleytið.