Innlent
Hlaut Fjöreggið í dag
Guðrún Adolfsdóttir matvælafræðingur hlaut í dag Fjöreggið, verðlaun Matvæla- og næringarfræðafélags Íslands, á ráðstefnu í tilefni matvæladags MNÍ. Verðlaunin hlaut Guðrún fyrir námskeiðin „Borðum betur“ sem hún hefur haldið fyrir starfsfólk mötuneyta og starfsmenn fyrirtækja og stofnana en þau miða að því að vekja áhuga fólks á fjölbreyttum mat sem er í senn bragðgóður og hollur. Alls voru fimm aðilar tilnefndir til Fjöreggsins að þessu sinni en auk Guðrúnar voru það Gallerí fiskur, HR Konfekt, Mjólka og Móðir náttúra.
