Icelandair markaðsfyrirtæki ársins 2006

Icelandair var valið markaðsfyrirtæki ársins 2006 á athöfn á vegum ÍMARk sem er félag íslensks markaðsfólks. Verðlaunin voru nú veitt í sextánda sinn og það var forseti Íslands, Ólafur Ragnar Grímsson, sem veitti þau við athöfn á veitingastaðnum Apóteki. Auk Icelandair voru Glitnir og Kaffitár tilnefnd til Íslensku markaðsverðlaunanna en fyrirtækin þykja hafa sýnt frábæran árangur hvert á sínu sviði eins og segir á vef ÍMARK. Þá voru Björn Kr. Leifsson og Hafdís Jónsdóttir, oftast kennd við World Class, valin markaðsmenn ársins 2006.