Múlagöng lokuð að mestu í kvöld og nótt

Múlagöng verða lokuð fyrir allri umferð frá klukkan 21 í kvöld til 23.30 og svo aftur frá miðnætti og til sex í fyrramálið. Þetta kemur fram í tilkynningu frá Vegagerðinni. Þar segir einnig að hálka eða snjóþekja sé víðast hvar á Suðurlandi, Vesturlandi og Vestfjörðum. Þá er Dynjandisheiði ófær og Hrafnseyrarheiði þungfær. Á Norður- og Norðausturlandi er víða hálka en vegir á Austur- og Suðausturlandi eru víðast hvar greiðfærir þótt hálkublettir séu sumstaðar á heiðum.