Össur í öðru og Jóhanna í þriðja - Ágúst Ólafur í fjórða

Ingibjörg Sólrún Gísladóttir, formaður Samfylkingarinnar, virðist hafa hlotið örugga kosningu í fyrsta sætið í prófkjöri Samfylkingarinnar í Reykjavíkurkjördæmunum tveimur þegar 2200 atkvæði af 4800 hafa verið talin. Össur Skarphéðinsson er í öðru sæti og Jóhanna Sigurðardóttir í því þriðja.

Varaformaðurinn Ágúst Ólafur Ágústsson er fjórði, Helgi Hjörvar fimmti og Kristrún Heimisdóttir kemur ný inn í sjötta sæti. Mörður Árnason og Ásta Ragnheiður Jóhannesdóttir eru svo í sjöunda og áttunda sæti.

Hins vegar nær Steinunn Valdís Óskarsdóttir, borgarfulltrúi og fyrrverandi borgarstjóri, ekki inn í efstu sæti listans og þá virðist Guðrún Ögmundsdóttir þingkona á útleið.

Atkvæði skiptasta annars svona:

Ingibjörg Sólrún Gísladóttir 1576 atkv. í fyrsta sæti

Össur Skarphéðinssson 1323 atkv. í 1.- 2. sæti

Jóhanna Sigurðardóttir 1152 atkv. í 1.-3. sæti

Ágúst Ólafur Ágústsson 837 atkv. í 1.-4. sæti

Helgi Hjörvar 969 atkv. í 1.-5. sæti

Kristrún Heimisdóttir 825 atkv. í 1.-6. sæti

Mörður Árnason 1013 atkv. í 1.-7. sæti

Ásta Ragnheiður Jóhannesdóttir 1141 atkv. í 1.-8. sæti