Fótbolti

Helgi mætir gömlu félögunum í fyrsta leik

Illu er best aflokið. Þau fleygu orð eiga vel við leik Fram og Vals í fyrstu umferð næsta tímabils í Landsbankadeildinni. Víst má telja að baulað verði á Helga Sigurðsson á Laugardalsvellinum.
Illu er best aflokið. Þau fleygu orð eiga vel við leik Fram og Vals í fyrstu umferð næsta tímabils í Landsbankadeildinni. Víst má telja að baulað verði á Helga Sigurðsson á Laugardalsvellinum.

Örlögin létu til sín taka þegar dregið var í töfluröð fyrir næsta keppnistímabil í fótboltanum hér heima. Í Landsbankadeild karla mun Fram taka á móti Val í fyrsta leik, en sem kunnugt er fór Helgi Sigurðsson í fússi frá Fram til Vals í síðustu viku. Íslandsmeistarar FH mæta ÍA í fyrsta leik á Akranesi.

KR og Keflavík, liðin sem mættust í síðasta leik knattspyrnusumarsins í ár þegar síðarnefnda liðið tryggði sér bikarúrslitaleikinn mætast í Frostaskjólinu í fyrstu umferð næstu leiktíðar, Breiðablik fær Fylki í heimsókn og í Víkinni koma grannarnir úr Fossvogi, HK, í heimsókn.

Íslenski boltinn Innlendar Íþróttir Pepsi Max-deild karla

Mest lesið


Fleiri fréttir

Sjá meira


×

Mest lesið