Átta líkamsárásir í Reykjavík

Átta líkamsárásir voru tilkynntar í Reykjavík í nótt og voru þrír aðilar fluttir á slydadeild. Einn þeirra hafði verið sleginn með flösku í höfuðið, aftanfrá. Meiðsli hans voru ekki talin alvarleg, en árásarmaðurinn er ófundinn.

Það var mikill erill var hjá lögreglunni í nótt, enda útborgunardagur á föstudegi. Mikil ölvun var í miðborginni og talsvert um útköll í heimahús vegna ölvunarláta og hávaða frá samkvæmum.

Þá voru ljósastaurar og umferðarmerki að þvælast fyrir ökumönnum, sem sökum ölvunar eða hálku réðu ekki allskostar við ökutæki sín. Ekið var á tvo ljósastaura og eitt umferðarskilti. Loks var svo tilkynnt um innbrot í þrjú fyrirtæki.