Ögmundur með flest atkvæði í forvali Vinstri-grænna

Ögmundur Jónasson, Katrín Jakobsdóttir og Kolbrún Halldórsdóttir munu leiða lista Vinstrihreyfingarinnar græns framboðs í höfuðborgarkjördæmunum tveimur og Suðvesturkjördæmi, ef kjörstjórn fer að úrslitum í forvali flokksins sem fór fram í dag.

Miðað við þessi úrslit skipar Katrín Jakobsdóttir sér til forystu í einu kjördæmanna á höfuðborgarsvæðinu, en Ögmundur og Kolbrún eru þingmenn flokksins í Reykjavík Suður og Norður. Flokkurinn er ekki með þingmann í Suðvesturkjördæmi, kraganum svokallaða.

Hér á eftir fer niðurstaða úr talningu óháð ákvæðum um kynjakvóta samkvæmt kosningareglunum. Á kjörskrá voru 1796, greidd voru 1093 atkvæði og kjörsókn því 61%, 35 atkvæði voru auð eða ógild.

Flest atkvæði í fyrsta sæti

Ögmundur Jónasson 832

Katrín Jakobsdóttir 665

Kolbrún Halldórsdóttir 591

Guðfríður Lilja Grétarsdóttir 764

Álfheiður Ingadóttir 525

Árni Þór Sigurðsson 435

Gestur Svavarsson 491

Auður Lilja Erlingsdóttir 468

Paul Nicolov 373

Mireya Samper 518

Steinunn Þóra Árnadóttir 461

Guðmundur Magnússon 448

Næst inn í fjórða sæti með yfir 300 atkvæði voru:

Andrea Ólafsdóttir

Kristín Tómasdóttir

Jóhann Björnsson

Forval Vinstri-grænna er að því leiti óvenjulegt að frambjóðendum verður síðar raðað á þrjá lista, Reykjavík suður, Reykjavík norður og Suðvesturkjördæmi. Vinstri-grænir hafa nú þingmann í sitthvoru Reykjavíkurkjördæminu en engan í Suðvesturkjördæmi, kraganum svokallaða.

Úrslit úr forvalinu eru leiðbeinandi og eftirleikurinn í höndum kjörstjórnar.