Fær 23 milljónir vegna mistaka í brjóstastækkunaraðgerð

Tveir læknar voru í dag dæmdir í Héraðsdómi Reykjavíkur til að greiða konu rúmar tuttugu og þrjár milljónir króna í bætur vegna mistaka í aðgerð. Konan fór í brjóststækkunaraðgerð en á meðan á aðgerðinni stóð hætti hún að anda og fékk hjartastopp. Læknar náðu að lífga konuna aftur við en konan er 65% öryrki eftir aðgerðina.

Dómnum þótti ljóst að konan hefði orðið fyrir alvarlegum súrefnisskorti í svæfingu sem ekki hefði átt að að eiga sér stað ef rétt hefði verið staðið að vöktun og framkvæmd svæfingarinnar, læknar gerðu einnig mistök við endurlífgun konunnar.