Karlmaður á fimmtugsaldri var í Héraðsdómi Reykjavíkur í dag dæmdur í þriggja mánaða fangelsi fyrir að hafa stolið mat úr verslun Hagkaupa í Kringlunni að verðmæti rúmlega fimm þúsund krónur.
Það gerði maðurinn fyrr í mánuðinum og játaði á sig brotið. Maðurinn hafði verið sakfelldur níu sinnum fyrir þjófnað áður en að þessu máli kom og að virtum sakaferlinum og því að um ítrekunarbrot var að ræða var hann dæmdur í þriggja mánaða fangelsi.
