Maður bjargaðist úr Selvatni

Þyrla Landhelgisgæslunnar var í dag send að fremra Selvatni í Mjóafirði í Ísafjarðardjúpi til að bjarga manni sem var í báti sem hvolfdi þar. Fjórir menn voru í bátnum og voru allir í björgunarvestum. Þrír þeirra komust að landi, en sá fjórði ekki.

Neyðarkall barst um síma laust fyrir klukkan fjögur og fór þyrla gæslunnar á loft um hálftíma síðar. Einnig fóru björgunarsveitir frá Vestfjörðum að vatninu. Og þær fréttir voru rétt að berast að maðurinn hefði komist í land af sjálfsdáðum.