Heimamaður fremstur í Malasíu

Heimamaðurinn Danny Chia er með forystu á meistaramóti Malasíu í golfi ásamt Englendingnum Nick Dougherty en hætta þurfti keppni vegna þrumuveðurs.

Dougherty var þú búinn að klára tíu holur en hann var með forystu eftir fyrsta daginn er hann lék á tíu höggum undir pari.

Chia sagði að það hefði verið draumi líkast að sjá nafn sitt efst á stöðutöflunni en það gæti þó verið erfitt að halda í forskotið.

Öðrum keppnisdegi er því ekki lokið en við flytjum fréttir af gangi mála um leið og þær berast.