Juventus selur Zanetti - Poulsen ekki á förum

Ítalska félagið Juventus gekk í dag frá sölu á miðjumanninum Cristiano Zanetti til Fiorentina en salan þykir benda til þess að miðjumaðurinn Christian Poulsen sé nú í framtíðarplönum knattspyrnustjórans Ciro Ferrara og muni því ekki yfirgefa félagið í sumar.

Fastlega var búist við því að Poulsen væri á förum en danski landsliðsmaðurinn var meðal annarra orðaður við félög á borð við Liverpool og Barcelona.

Meiðslavandræði miðjumannsins Mohamed Sissoko hjá Juventus eru ennfremur til þess að styrkja stöðu hins 29 ára gamla Poulsen hjá ítalska félaginu.