Eto'o búinn að ná samkomulagi við Inter

Samuel Eto'o hefur náð samkomulagi við Ítalíumeistara Inter samkvæmt umboðsmanni leikmannsins. Svíinn Zlatan Ibrahimovic fer til Barcelona í skiptum og þá mun Alexander Hleb ganga til liðs við Inter á lánssamningi.

„Þetta er frágengið. Samkomulag hefur náðst við Inter. Samuel er búinn að tala við Mourinho og er mjög stoltur af því að fá að klæðast búningi félagsins," sagði umboðsmaðurinn.

Eto'o var í sumar orðaður við Manchester City en ekkert varð úr þeim málum og ljóst að hann er á leið til Ítalíu.