Fótbolti

Milan vill semja við Beckham til 2010

Eiríkur Stefán Ásgeirsson skrifar
David Beckham, leikmaður AC Milan.
David Beckham, leikmaður AC Milan. Nordic Photos / AFP
AC Milan er sagt reiðubúið að bjóða David Beckham samning út næstu leiktíð þó það þurfi að greiða allt að tíu milljónir evra fyrir hann.

Beckham er nú í láni hjá AC Milan frá LA Galaxy í Bandaríkjunum en lánssamningurinn rennur út þann 9. mars næstkomandi. Félögin eru nú sögð eiga í viðræðum.

Þetta hefur fréttastofa Reuters eftir ónefndum heimildamanni úr röðum AC Milan.

Fulltrúar frá AC Milan munu fljúga til Bandaríkjanna á morgun til að reyna að ganga frá samningum um kaup félagsins á Beckham.

Ítalski boltinn

Mest lesið


Fleiri fréttir

Sjá meira


×

Mest lesið