Jenis fær baráttukveðjur frá Íslandi: Lesið skeytin

Jenis av Rana, formaður Miðjuflokksins í Færeyjum og þingmaður á færeyska Lögþinginu, hefur fengið baráttukveðjur og hvatningarorð frá Íslandi eftir að hann neitaði að sitja til borðs með Jóhönnu Sigurðardóttur forsætisráðherra og eiginkonu hennar, Jónínu Leósdóttur, vegna þess að þær eru lesbíur.

Í samtali við færeyska blaðið Vágaportalurin segir Jenis að honum hafi borist stuðningsyfirlýsing frá íslenskum samtökum vegna ákvörðunar sinnar. Hann vill þó ekki gefa upp um hvaða samtök er að ræða, utan þess að félagar þeirra eru um þúsund.

Jens gaf Vágaportalurin leyfi til að birta nokkur þeirra skeyta sem honum hefur borist og birtir Vísir þær einnig hér að neðan. Skeytin eru á íslensku, færeysku, ensku og dönsku. Vágaportalurin fékk ekki uppgefin nöfn þeirra sem bréfin sendu.