Ronaldinho vill fá Zlatan til Milan

Brasilíumaðurinn Ronaldinho er mjög spenntur fyrir því að fá Zlatan Ibrahimovic til AC Milan og hvetur leikmanninn til þess að koma.

Adriano Galliani, stjórnarformaður Milan, mun hitta forseta Barcelona, Sandro Rosell, í dag til þess að ræða möguleg kaup á sænska framherjanum.

"Ég veit ekki hvort hann kemur og spilar með mér og Pato. Tilhugsunin að spila með einum besta framherja eins er samt mjög spennandi," sagði Ronaldinho.

"Ef Ibrahimovic kemur til Milan þá væri það frábært."

Ekki er endilega víst að Milan kaupi Zlatan en það hefur einnig verið rætt að félögin láni leikmenn sín í milli. Zlatan færi þá til Milan en Marco Borriello yrði lánaður til Börsunga.