Stórleikarar á Íslandi - Tilda Swinton í Hagkaup

Stórleikkonan Tilda Swinton er stödd hér á landi samkvæmt heimildum Vísis. Meðal annars sást til hennar í miðborg Reykjavíkur sem og í Hagkaup í Skeifunni.

Hún er ekki eini frægi leikarinn hér á landi því óskarsverðlaunaleikarinn Jeremy Irons er einnig staddur á landinu. DV greindi frá því að hann væri á leiðinni til Ísafjarðar.

Ekki er ljóst hvort leikararnir séu saman hér á landi.

Tilda Swinton hefur leikið í fjölmörgum stórmyndum svo sem Chronicles of Narnia, Michael Clayton, þar sem hún lék á móti Georg Clooney og Burn after reading sem skartaði einnig Clooney í aðalhlutverki.