Markasúpa á Ítalíu

Sex leikir fóru fram í seríu A á Ítalíu í dag og mörkin létu ekki á sér standa. Fiorentina og Juventus gerðu markalaust jafntefli í stærsta leik dagsins sem verður að teljast slæm úrslit fyrir bæði lið.

Lazio valtaði yfir Catania 4-1 og með sigrinum halda þeir fjórða sætinu í deildinni sem gefur réttinn til að taka þátt í Meistaradeild Evrópu á næsta tímabili.

Lecce og Cagliari gerðu 3-3 jafntefli í miklum markaleik þar sem Robert Acquafresca skoraði þrennu fyrir Cagliari.

Úrslit dagsins:

Catania 1 - 4 Lazio

Cesena 1 - 0 Bari

Chievo 2 - 0 Bologna

Fiorentina 0 - 0 Juventus

Genoa 3 - 0 Brescia

Lecce 3 - 3 Cagliari