Skrifstofufólk dreymir um að rústa tölvunni

Nær helmingur af öllu skrifstofufólki í Bretlandi, Frakklandi og Þýskalandi er óánægt með tölvu sína í vinnunni. Þetta kemur fram í könnun sem fyrirtækið Mozy hefur gert meðal 600 tölvusérfræðinga og 3.000 skrifstofumanna.

Höfuðvanda mál þessa skrifstofufólks er að tölvan sem það notar í vinnunni er yfirleitt mun eldri en sú sem viðkomandi á og notar heima hjá sér. Hinar eldri tölvur gera það oft að verkum að framleiðsluhraðinn minnkar og áhættan eykst á því að tapa gögnum við að tölvan brotni niður.

Í Bretlandi er vinnutölvan að jafnaði fimm ára gömul. Í Frakklandi er aldur tölvunnar að jafnaði þrjú ár og tveir mánuðir. Könnunin leiddi í ljós að tölvunar sem skrifstofufólkið notar heima við eru að jafnaði tveimur árum yngri en sú sem er á skrifstofunni.

Af þessu kemur ekki á óvart að margt skrifstofufólk dreymir um að rústa vinnutölvu sinni. Yfir 20% aðspurðra í Frakklandi segja að slíkt sem eina leiðin til að fá nýja tölvu eða farsíma. Bretar eru aðeins kurteisari í svörum sínum en 15% þeirra segja að besta leiðin sé að nota hamarinn á tölvuna.