Meiri afla landað í Faxaflóahöfnum en í fyrra

Á fyrstu 10 mánuðum ársins var landað rétt tæpum 125.000 tonnum af afla í höfnum Faxaflóahafna. Þetta er aukning  á lönduðum afla upp á 11.500 tonnum eða 10% frá sama tímabili í fyrra.

Á vefsíðu hafnanna segir að samdráttur hafi orðið í botnfiski, en nokkur aukning í uppsjávarfiski og öðrum afla, en þar er fyrst og fremst um að ræða makríl.

Á Akranesi stendur afli nokkurn vegin í stað á milli ára og aukningin er fyrst og fremst í Reykjavík þrátt fyrir að botnfiskafli hafi þar dregist saman.  Á Akranesi er þó aukning í loðnu en minnkun í öðrum tegundum.