Gjaldeyrisforðinn aldrei stærri

Gjaldeyrisforði Seðlabankans hefur aldrei verið meiri og nemur nú tæpum 985 milljörðum króna. Hins vegar eru skuldbindingar Seðlabankans í erlendri mynt um 1063 milljarðar króna. Staðan er því neikvæð um 78 milljarða í dag.

Við þessar tölur á reyndar eftir að bæta við nettó skuldum ríkisins í erlendri mynt (gjaldeyrisinnstæður í Seðlabankanum mínus erlendar skuldir), en þá er nettó staðan um 60 milljörðum króna verri. Á móti því koma svo aðrar erlendar eignir Seðlabankans sem ekki eru taldar með í forða og eru hluti af eignum Eignarhaldsfélags Seðlabankans, en þær nema um 67 milljörðum króna.

Heildarstaðan er því neikvæð um 71 milljarða króna, eftir því sem fram kemur í Markaðspunktum Arion banka.