Silva vill vera hjá Milan til 2020

Brasilíski varnarmaðurinn Thiago Silva er himinlifandi hjá AC Milan og stefnir að því að vera hjá félaginu til ársins 2020. Leikmaðurinn hefur verið orðaður meðal annars við Barcelona en það hefur ekki komið honum ur jafnvægi.

"Ég vil vera lengi hjá Milan. Ég er með samning til 2016 og eftir það vil ég skrifa undir nýjan fjögurra ára samning," sagði Silva.

"Ég vona að forráðamenn Milan sjái þetta viðtal svo þeir viti hvað þeir eigi að gera næst."

Silva kom frá Fluminese árið 2009 og er orðinn lykilmaður í liði Milan.