Ronaldinho laus frá Milan

Barátta Blackburn fyrir því að fá Ronaldinho til félagsins er töpuð því hann mun fara til brasilíska liðsins Gremio eftir allt saman.

Ronaldinho greindi frá því í dag að hann væri búinn að ná samkomulagi um starfslok við AC Milan. Í kjölfarið mun hann skrifa undir samning við  Gremio.

Ronaldinho hefur allan tímann viljað komast til Gremio þar sem hann hóf feril sinn.

Fleiri brasilísk lið hafa reynt að blanda sér í slaginn og spurning hvort einhverju þeirra tekst að lokka Ronaldinho yfir til sín.