Inter lá gegn Lecce - Klose með tvö fyrir Lazio

Botnlið Lecce vann óvæntan 1-0 sigur á Inter í ítalska boltanum í dag. Þá skoraði Miroslav Klose tvö fyrir Lazio í sigri á Chievo sem nýtti sér tap Inter og skaust upp fyrir þá í 4. sæti deildarinnar.

Inter hafði verið á góðu skriði undir stjórn Claudio Ranieri eftir afleita byrjun á tímabilinu. Ranieri tók Wesley Sneijder útaf í hálfleik til þess að geta breytt yfir í 4-4-2 leikkerfið.

„Við erum þremur stigum á eftir Udinese (í 3. sæti). Sæti í Meistaradeildinni er markmið okkar," sagði Ranieri.

Miroslav Klose skoraði tvö mörk undir lok leiksins og tryggði Lazio 3-0 sigur á Chievo í Veróna. Brasilíumaðurinn Hernanes kom Lazio á bragðið um miðjan fyrri hálfleikinn.

Lazio komst upp í 4. sæti deildarinnar með sigrinum sem var kærkominn eftir þrjú töp á útivelli í röð í deild og bikar.

Önnur úrslit:

Fiorentina 2-1 Siena

Roma 1-1 Bolgona

Cesena 0-1 Atalanta

Genoa 3-2 Napoli

Palermo 2-0 Novara

AC Milan og Cagliari mætast í kvöld.