Íslendingar sólgnir í M&M og bjór

Íslendingar kaupa mest af M&M Peanut Butter og Víking bjórkippu þegar þeir stoppa í Fríhöfninni á Keflavíkurflugvelli, ef marka má tölur sem vefsíðan Túristi.is birtir yfir síðasta ár.

Á topp 10 lista yfir vinsælustu íslensku vörurnar má finna mikið af áfengi, svo sem Brennivín, Egils Gull, Reyka Vodka og Thule bjór. Þar má einnig finna Freyju Djúpur, Kúlusúkk og Þrist.

Þá eru íslensku vörurnar frá EGF Serum vinsælar á lista yfir vinsælustu snyrtivörurnar. Af listanum yfir sælgætið má nefna Marabou Daim, Toblerone Milk og Gamaldags Lakkrís.

Hægt er að skoða listana nánar á vefsíðu Túrista.is.